Xosrov Barışan(خسرو باریشان)

Nə qərib axtarışdır!—Cansız dirilər şəhrində--Tikrarın tikrarında—Özümün ilkində--Sonumu axtarıram

Xosrov Barışan(خسرو باریشان)

Nə qərib axtarışdır!—Cansız dirilər şəhrində--Tikrarın tikrarında—Özümün ilkində--Sonumu axtarıram

« ایز... »

 

بو یولدا

   ازیلسم بئله

سنین

 آیاق ایزین

         اولاجاغام.

تا؛

 آیدینلیغا گئدن

          هر یولجو

              یولون تاپسین.

 

شئعیر:خسرو صلح کننده«باریشان»

قایناق:ارک روزنامه سی،سایی:1112

1383/11/25

« گوجدن اؤته... »

چکیلن سینیرلار(1)،زوراکی یاسا(2)

دئسه ده؛«آغیزلار گرکدیر سوسا!

بیزدئین اولاجاق،یوخ گرگ اوسا(3)»

                    بیزی کی سئوگیلیم آییرا بیلمز.

 

سئزن(4) فیکریم هر حارا سئوسه گئدر.

دویغوم ایسته ییرسه گئرچه یی(5) دیدر.

جیسمیمی دوستاق دا ائدرسه قه در(6)،

                    دویغو،فیکره قفس قاییرا بیلمز.

 

1)مرزلر،2)قانون،3)عقله،4)تشخیص وئرن،5)واقعیت،6)سرنوشت

شئعیر:خسرو صلح کننده«باریشان»

قایناق:ارک روزنامه سی،سایی:1112

85/6/28

« اویاری »

 

اوره ییمدن

         اکیلنمزسن.

باآ..خ؛

اوووجومون ایچینده سن.

آخی،

 هممه شه

          سنه

           ان زیروه دن باخیرام.

 

شئعیر:خسرو صلح کننده«باریشان»

قایناق:ارک روزنامه سی،سایی:1045

 

«جالاما توشو...»

 

دانیشان گؤزلره بیر سس جالاسام.

بورکوموش بو هاوایا اس جالاسام.

 زوربه زورلوق داغینین زیروه سینه؛

چؤکه جک می گؤره سن بس جالاسام.

 

شئعیر:خسرو صلح کننده«باریشان»

قایناق:ارک روزنامه سی،سایی:1162

1384/5/7

 

« قیرمیزی»

 

گئجه یه

 بیرلیکده دولوردولار؛

چاخیر،

     دوداق،

           یاتاق،

                قان.

نه...

 قیزاریلمیش

          گئجه دیر!

⎕⎕⎕

گئجه یه

 بیرلیکده

      دولدورولدولار؛

گونش،

    نیلوفر،

        اورک،

            سن،من.

نه...

 قیزارمیش گئجه دیر!          

 

شئعیر:خسرو صلح کننده«باریشان»

قایناق:ارک روزنامه سی،سایی:1006

1384/2/5

 

« تورپا غیم...»

 

منیم

 تورپاغیمین اینسانلاری

          هممه شه؛

              یاشادیلار

                گولوشلرین پاسلاریندا

                                   چورو یه رک!

یول..،یول..،

        یولمادیلار!

تیکان..،تیکان..،

           چیغیردیلار!

سیقارلار یانیق،

          اؤزلوکلر سؤنوک!

و قصصابلار؛

         قوزولوقدان

               قوزو کسیردیلر!

آجییدیلار آخی،

      و..،بیچاقلار باللی

منسه؛

   یئریدیم

     آخسایا-آخسایا دا،

   یاشادیم؛

     آغلایا-آغلایا دا،

آآ..خ

 دومانلار کؤکسومده،

باآ..خ

⎕⎕⎕

حایدی؛

 یارالی تورپاغیم

        یارالی اورکله

                    آل منی.

 

شئعیر:خسرو صلح کننده«باریشان»

قایناق:ارک روزنامه سی،سایی:1009

1384/1/30

 

« یاغیشلاریم »

 

سوسا میشام یئنه ده،

ائله بیل یاغیش یاغیر!

بو بولود؛

    صافلیقدان می؟!

بو ایلدیریم؛

   سسسیزلیکدن می؟!

بو شیمشک؛

   کورلوقدان می؟!

⎕⎕⎕

بیلیرم؛

 یاغیش یاغماسا

           قورولوق دوغولار.

نه دن ایسه

   منیم یاغیشیم

        قورولوقدان دوغولور!؟

 

شئعیر:خسرو صلح کننده«باریشان»

قایناق:ارک روزنامه سی،سایی:1164

 

 

 

« سنه ساری »

 

کؤلگه مده بئله؛

             آی دوغولور.

آخی..، دای؛

        سنه سارییام

               ائی گونشیم.

 

شئعیر:خسرو صلح کننده«باریشان»

قایناق:ارک روزنامه سی،سایی:876

1383/10/28          

« آسفالت »

 

بیلیرم،

بودا بیر یولدور.

         آسفالت بیر یول؛

                    ماشینی اولانلارا.

و اوندا

  باش قالدیرا بیلر

               یالنیز تیکان.

آمما؛

  سئویندیرن

        یانی دا وار.

اونو من سووماییرام،

بلکی او مندن سوووشور.

 

شئعیر:خسرو صلح کننده«باریشان»

قایناق:ارک روزنامه سی

 

« سنین یئرین »

 

زیروه سینده گؤی باخیش آرزیلارین؛

                                   سنه یئر ساخلا میشام.

تا کی..، تک؛

   قارتال اوچوشلار دانیشا هئیبتیوی.

 

شئعیر:خسرو صلح کننده«باریشان»

قایناق:ارک روزنامه سی،سایی:872

 

« دیجیتالا، »

 

 بیر چاتیشمایا دوغرو

                دیجیتاللاشمیشام

سون کیرپیک چالماغیمدا

                     ایندینی قیردیم

و یئنه ده سن؛

          گولومسه ییرسن

سحرده کاش ؛

      ائلئکتیریک سونوک قالا...

 

شئعیر:خسرو صلح کننده«باریشان»

1384/5/5

قایناق:ارک روزنامه سی،سایی:1089

 

«اوزاق...»

یوخولاریمین شنآیینا تقدیم

 

اوزاق؛

   بوتون عادتلردن،

اوزاق؛

   بوتون سوننتلردن،

اوزاق؛

   بوتون لذذتلردن،

بوتون قوشوللاردان اوزاق،

                  سئوه جه یم سنی من.

⎕⎕⎕

آچما دیغیم زامان؛

         گؤزله دیییم تیلفونو،

اؤزومه ایش؛

         آختارمادیغیم زامان،

آل-وئر ائدینجه؛

         اودوزدوغوم زامان،

گئچدیییم زامان؛

         پاسپورتسوز سر حددن،

                       سئوه جه یم سنی من.

 

شئعیر:خسرو صلح کننده«باریشان»

1385/6/28

قایناق:ارک روزنامه سی،سایی:1163