« خییاوان یاغیشی »

یئریییردیم خییاواندا،

هر آچیدا

     یئرییردین سن ده.

چیچکلرده آچدین حئی،
دیریلدین جانلیلاردا،

بزندین قادینلاردا،

ماشینلاردا سسلندین،

سؤزلرده حایلاندین.

بیردن بیره؛

     یاغدی یاغیش.

دؤزنمه دیم،

     آخدیم دای!

آمما...

 سنی یاغیشلاردا آپارمادی.

شئعیر:خسرو صلح کننده«باریشان»

1384/1/22

قایناق:ارک روزنامه سی

« اؤزونه یاخین »

سن نه یاخینسان

           آ... سئوگیلیم؛

                      یاغیشا

                 یاخیندا دا،

                      اوزاقدا دا.

سن نه یاخینسان

        آ...سئوگیلیم؛

                  یا غیشا،

 سئوگیلر یاغان زامان،

        گؤز یاشیم آخان زامان.

⎕⎕⎕

کیریخدیم!

سن

 یاغیشین اؤزوسن،

      یاغیشا باخان زامان.

شئعیر:خسرو صلح کننده«باریشان»

1383/11/...

قایناق:ارک روزنامه سی

«یومما نه اولار»

ساقین...

گؤزلریوی گؤزلریمه یومما.

ائله بو شیخ باخ.

اوچوشلارین نوقطه لییین آشارجاسینا.

                              سونسوز، بوجاقسیز.

تیک گؤزلریوی گؤزلریمه.

قوی، باشیم اوستونده کی گؤی اووونسون،

سنله اورتاق اولدوغو اوچون.

ساقین یومما گؤزلریوی.

دیلکلر زیروه سینده یالواریرام

                               ماویلییه

                       دونیامی چئوره له میش ماویلییه.

یومما.

    یومارسان؛

           بیله رک آرخایینام؛

                 یومولاجاق گؤی ده.

واا..ی،یوخ...

تپیله رک قارالیق،

            یاشام قارانلیق،

                 شوملایار گئجه اوزریمه.

شئعیر:خسرو صلح کننده«باریشان»

1384/1/12

قایناق:ارک روزنامه سی

« دنیزله قوش »

جومالی گؤزلریوه؛

باش تاپیرام

     دنیزله قوش

            ایلیشگیلی آنلاردان.

گؤیلره اوچمام اوچون،

                  تامین اولور

                        قیدام منیم

سنده دوغان جانلاردان.

شئعیر:خسرو صلح کننده«باریشان»

1384/9/...

قایناق:ارک روزنامه سی              

ÇAĞIRIŞ HAVASI

« چاغیریش هاواسی »

اوره ییم...

   گؤیلرین چیرپینیشی.

گؤزلریم...

    یاغیشلارین یادیگاری.

سؤزلریم...

    سحرین سوسغونلوغو.

آددیملاریم...

    اکیلمیشلرین تارلاسی.    

و دوروشوم...

    داغلارین آغلاییشی.   

حادی گل قورتار منی یاز هاوالیم.

شئعیر:خسرو صلح کننده«باریشان»

18/8/1384

قایناق:ارک روزنامه سی،سایی: 870

هئچه چیرپیلان چابا((Heçə çırpılan çaba))

((Heçə çırpılan çaba))

Nə örtüklü!

Dalğaların

    Qalabalıq barmaqlarında

                            Çalınıb itdin

Bir kədərli melodidə!

⎕⎕⎕

İndi bax;

Adıvı mən

     Yazmaqdayam

             Hər yumuşaq

                 Qıyının bağrına

                                   Hey...

⎕⎕⎕

Hər geçən uşaq deyir:

((oho...y

        Baxın dəliyə.))

Şeir:xosro solh konəndə(barışan)

1384/2/6

Qaynaq:Ərk qazeti

Sayı:889