یارادان بایاتیسی...

شئعیردیر منی یارادان.

یاراندیم من ده یارادان!

قورخوسوز، اؤزگور دوغولوم؛

سئچمه دیم آغی قارادان. 

شئعیردیر منی یارادان.

یاراندیم من ده یارادان!

شئعیرلریم بیر بارادیر؛

یارانمیشام وای، بارادان!!! 

شئعیردیر منی یارادان.

یاراندیم من ده یارادان!

اؤلسم ده هئچ یوخ اولمادیم؛

ده ییشدیردی منی زامان. 

شئعیر:خسرو صلح کننده(باریشان)

«بیلینمه ین»

نئجه اوْلدوسا دا بیردن؛

       جینسییتیمی اۇنوتدوم!

یئنه بیر دیشی می اوْلماقدایام؟ نه یم؟!

یوْوْ... من ارکه یم،

       بۇرما بیییغلی بیر به یم.

یئنه اللشمه،

         تیتره مه،

               قیوریلما،

                    سانجی.

دۆشونجه لریم چیغیریر،
               دۇیغولاریم چاغیریر.

سۇچ منده دیر

         دئییر پوْلیس:

               «قارشیلاشدیغیملا دۇرمادان

                                     سئویشمیشم،

                                               سئویشیرم،

                                                      سئویشرم!»

منه یاساقلار یاساقدیر.

یوْخسا من؛

      حشری بیر

            فاحیشه یم،

                      نه یم؟!

یوْوْ...

 من شوْر گؤژ

    بۇرما بیییغلی بیر به یم.

هئچ بیر سوْنوْگیرافی

              بللی ائتمه دی؛

                      کؤرپه مین ده

                             جینسییتینی.

بللی دیر

   اوْدا چکمیش آناسینا

نه دئییرم؟

من بیر آنایام می!؟

                  نه یم؟

یوْوْ...

 من ائو بؤیویو

    بۇرما بیییغلی بیر به یم.

آخ...

 وای...

   ائی-وای...

     چابالاییر سؤزجوکلر دیلیمده،

        نفس چکیر بیر شئعیر اؤنومده!!!

خوْش گلدین کؤرپه م؛

    «دادلی-دۇزلو منیم بالام؛

             بؤیویه سن آرزی قالام.»

آمما نه دن آغلاییرسان؟!

نه اوْلار ائی اینسانلار؛

                 بیر رحمه گلین

                    آخی منیم پۇلوم یوخ

                                    ایشیم یوخ

                                            یوْخسول بیریسییم.

هئچ ائولنمه دیم کی؛
      تک توْپانجا گزدیم همیشه؛

                  سئودالارین ان بؤیویون یاشایاراق.

آخی منیم اریم یوْخ...

                      یوْخ...

                        یوْخ...

                          یوْخ...

آج می قالاجاق کؤرپه م؟

اؤز اۆره یینی می یئیه جک؟

                  دؤشوم یوْخ کی...

                         سۆدوم یوْخ کی...

نوْلار اینسانلار؛

    کؤرپه می سیزلر بسله یین.

اح؛

 کیمه دئییرم،

    سیزین کی

          قوْرخولو فیلیملرینیزدن

                           دۆشونجه نیز

                                 داحا دا قوْرخولو.

ائله بیل بتر کئفلنمیشم.

                       اوْلمایا من

                           باکیره بیر قیزام!

                                          نه یم؟

یوْوْ...من

   نئچه آروادلی

    بۇرما بیییغلی بیر به یم.

زوْنقولداییرسان...

  زوْنقولداییزسان...

     آغرییان دیشیم دئییلسن کی بالام

                                    چکیب آتام سنی.

نه اوْلدوسا دا؛
          اوْلسون

                 یئتر

                    آغلاما بالام...

                                آغلاما...

                                    اۆره ییمی داغلاما بالام...

                                                              داغلاما.

شئعیر:خسرو صلح کننده«باریشان»

سئودا دئدییین...

سئودا دئدییین؛

       زامان کیمیدیر!

گؤرولمزدیر؛

  زامان ایچینده آن کیمیدیر!

بیر اوْلای کیمیدیر،

              بیلینمزدیر!

بۇنلاری دئیرکن؛

     سانمایین کی عؤمور کیمیدیر.

باخدیغین گؤی بئله؛

              داوان کیمیدیر!

گئتدییین یوْل قالخار آیاغا؛

                     دۇوار کیمیدیر!

دۆنیا سنه دار کیمیدیر!

حپیس سئللۇلوندا

    گؤرولمه ییب، بیلینمزدن،

        چیخان گۆر حای کیمیدیر،

              همیشه مبداءینه قاییدار،

                 کیمسه ائشیتمز کی اوْنو؛
                     دؤرت دۇوارداکیندان باشقا!

سئودا دئدییین؛

   اوْلای ایچینده اؤلوم کیمیدیر،

                          چاتدی ایسه؛

                             قاییتماق یوْخ..!

شئعر:خسرو صلح کننده(باریشان)

آه اوْرمانی...

 

شنآی»یما تقدیم: 

بیر یاپراغین دۆشمه سی دیر گ‍‍ؤزلرین

                                             آه اوْرمانیندا.

سئوگیلیم آه...سئوگیلیم؛

                           بۇ آیریلیغین

                                 یانغینی دیر.

بلکه بیر اۇشاق؛

     یئتیشکینلیک آرزیسییلا،

                               ماراغیندان؛

                                     چاخمیش قیویلجیمینی!

بلکه ده بیر یئتیشکین؛

                             بیر آن

                                 اۇشاقسی بیر هوسله

                                                          یوْرغونلوقدان

                                                                 تۇتوشدورموش اَلوْوونو!

سسین تیلفۇندا تیتره ییب، کدرلی تۆترکن

                                        دوْغولور یئنه ده اوْ آدام!

حسرتلنیرم؛

بیر سیقار آلیشدیریر اوْ!

آغلاییرام.

بیلینمه ییر نه دیر؟!

بیلنمه ییرم!

نه یم؟

  نه دن

     بیلمه ییرم!؟

سؤندورنمه ییر یاغان یاغیش دا

                                          بۇ یانغینی!

هئچ بیر خبر وئریلیشی؛

                 یایینلاماییر کی گؤره سن!

حارداسان «شنآی»یم؟

                     آه حارداسان؟

⎕⎕⎕

اَ...اَح

   بۇ شئعیرلرده

         سؤندورمک کیمی دیر؛

                               سۇسوزلوغو،
                                       شوْر سۇ ایله!!! 

شئعر:خسرو صلح کننده(باریشان)

14/2/1386

ایصفهان:سربازلیق

ایلان سئوگیلیم

سن بیر ایلانسان می؟

         بیلمم کی نه سن!

گؤزووه باخینجا بۆیوله نیرم!

قوْشماغا شئعریمی یارانیر سۇکوت!

گئجه نین دیبینه بیردن ائنیرم!

سن بیر ایلانسان می؟

         بیلمم کی نه سن!

⎕⎕⎕

سنی حپ دۆشوندوم،
                یاشایانمادیم!

جاوابسیز سوْرومسان سن بۇ حیاتدان.

سن بیر ایلانسان می؟

         بیلمم کی نه سن!

بلکه ده بیر قیزسان؛

منی حپ سئون...

بلکه ده بیر قیزسان؛

منله سئویشن...

بلکه ده بیر قیزسان؛

بوْیلو قالمیشیق...

بلکه ده بیر قیزسان؛

 سن منی دوْغان...

بلکه ده بیر قیزسان؛

منی بؤیودن...

بلکه ده بیر قیزسان؛

منله بؤیوین...

بلکه ده بیر قیزسان؛

من؛ سنم دئین...

بلکه ده بیر قیزسان؛

منی اؤلدورن...

اؤلدورنده منی

منی بؤلدورن...

سن بیر ایلانسان می؟

         اوْلان(1) سن نه سن!

⎕⎕⎕

آدیندا آه...نه وار؟

سن آنلارسان می؟!

هر زاد قارشیدییلا

           کیملیک قازانیر.

آدیندا آه...نه وار؟

سؤیله یرسن می؟

قزئتلرده اوْنو عئینی یازانمیر!

آدیندا آه...نه وار؟

بیر دادارسان می؟

بلکه بۇ دۆنیادا

      دادانمادیغیم؛

        نه سه بیرزاد واردیر سنین آدیندا.

سن بیر ایلانسان می؟

         بیلمم کی نه سن!

⎕⎕⎕

سۆموک تک قالیبدیر سؤز بوْغازیمدا

سن بیر ایلانسان می؟

         بیلمم کی نه سن!

⎕⎕⎕

حایدی سئودیجه ییم؛ چمبریوه آل؛

سیخ منی، ایچیمین فریادی جوْشسون.

اؤپ منی، زهریوی تؤک بوْغازیما؛

قالیبلار سؤکولسون ، پرده لر دۆشسون

پیرتلاسین گؤزلریم، بلکه بۇ دفعه؛

بیلینمز اؤلومون شئعرینی قوْشسون.

شئعیر: خسرو صلح کننده(باریشان)

قاراگیله...

قاپ- قارادیر،

آنجاق؛

 قارا گۆنوم ده

       سئومه لی اوْلوب!

آخی..، بۇ دا؛

گؤزلریوی خاطیرلادیر

                  تبریزیمین قاراگیله سی.

شئعیر:خسرو صلح کننده«باریشان»

حانسی؟!

 حانسی کؤر؛

        منیم کیمی،

             گؤردوکلرییله

                  گؤژلرین اویدو؟!

حانسی کار؛

         منیم کیمی،

             ائشیتدیکلرین

                    میخلادی قولاغینا؟!

حانسی معتاد؛

           منیم کیمی،

                  چکدییی نفسله

                         جییرین سؤکدو؟!

حانسی انگل؛

           منیم کیمی،

              سوموردو بارماقلاریندان

                                      اؤز قانین؟!

حانسی یئر کوره سی؛

                     منیم کیمی

                          اولمادان بللی یئری

                                              گرکسیز،

                                                          زوراکی

                                                                 بیر جذبه یله یاشادی؟!

حانسی اوغلان؛

        منیم کیمی،
           بیر قیزا باخیرکن

                      ایضطیرابدان

                            سیندیریب زامانی

                                            آجیغیندان

                                                   اؤزون بوشادی؟!

حانسی  روبوت؛

            منیم کیمی،

                       عصبلرین

                          ائلئکتیریک پیریزینه تاخیب،

                                                  بئیینینی پاتلاتدی؟!

حانسی هئیکل؛

           منیم کیمی،

               اؤز باغرینی چاتلاتدی؟!

حانسی داش؛

          منیم کیمی،

               گؤزیاشلارییله یوغرولدو؟!

حانسی یالان؛

              منیم کیمی،

                      اؤز وارلیق ایله

                                 دوغرولدو؟!

حانسی یام- یام؛

             منیم کیمی،

                    اتین قانینا

                         تیلته ائتدی؟!

و حانسی شاعیر؛

              منیم کیمی،

                     سؤزلرین قوسدو؟!

شئعیر: خسرو صلح کننده(باریشان)

جومعه:28/2/1386

ایصفهان(شهر اوتوبوسوندا«خط واحد»)، سربازلیق.

سوولار

دومین جشنواره خط سوم پس از دو روز برگزاری در شهر تبریز، برگزیدگان خود را در دو بخش شعر فارسی و ترکی، در دو قالب کلاسیک و آزاد و با دو موضوع آزاد و مادر، معرفی کرد.

به‌ گزارش ستاد خبری دومین جشنوار شعر خط سوم، برگزیده‌های شعر فارسی در بخش کلاسیک و با موضوع آزاد به ترتیب عبارتند از: علی فردوسی، اصفهان؛ مهدی زارعی، کرج؛ علیرضا رجب‌علیزاده، کاشان؛ محمود حبیبی کسبی، تهران و سیدعلی میرنژاد، تهران. تندیس این بخش به علی فردوسی رسید.

ابوالقاسم تقوایی از کاشان، عادل حیدری از چهارمحال و بختیاری و سیده زهرا بصارتی متقی از کرج به ترتیب برگزیدگان بخش شعر فارسی  کلاسیک با موضوع مادر هستند و تندیس این بخش به ابوالقاسم تقوایی اختصاص یافت.

برگزیدگان فارسی در بخش شعر سپید با موضوع آزاد آتیلا اسکندانی از تبریز، فرهاد آزمون از تهران، مجید معار‌ف‌وند از کرج، امیرنجات شجاعی از تهران و ستار جانعلی‌پور از کرج هستند و تندیس این بخش را آتیلا اسکندانی دریافت کرد.

لیلا کردبچه از تهران، علی اسدالهی از تهران و سپیده داداش‌زاده از مشکین شهر برگزیدگان خط سوم در شعر فارسی، بخش شعر سپید با موضوع مادر هستند. تندیس این بخش به کردبچه رسید.

 داوری بخش شعر فارسی دومین جشنواره شعر خط سوم را حمیدرضا شکارسری، علیرضا راهب مازندرانی، صالح سجادی، سید ضیاءالدین شفیعی و جمشید علیزاده عهده‌دار بودند.

برگزیدگان شعر ترکی کلاسیک با موضوع آزاد عبارتند از: اکبر شفیعی از تبریز، محمد نوین از مراغه، منیره اکبرپوران از تبریز، وحید طلعت از میاندوآب و سامان حسن‌زاده از تبریز. تندیس این بخش به اکبر شفیعی اختصاص یافت.

مرتضی سلمانی از تبریز، معصومه رحیمی صدقیانی از سلماس و امیر نصیری از زنجان به ترتیب برگزیدگان شعر ترکی کلاسیک با موضوع مادر هستند و تندیس این بخش به مرتضی سلمانی رسید.

برگزیدگان شعر ترکی در قالب سربست [سپید] با موضوع آزاد ابراهیم عادل‌نیا از اردبیل، لیلا اسعدی از تبریز، خسرو صلح‌کننده سردرود از تبریز، دومان اردم از تبریز و قسمت رستم‌اوف از جمهوری آذربایجان هستند که ابراهیم عادل‌نیا تندیس این بخش را به خود اختصاص داده است.

یونس صفدری از تبریز، مریم زبردست از تبریز و علی‌اصغر اوجاقلو از زنجان نیز برگزیده‌های شعر ترکی در قالب سربست و با موضوع مادر هستند که تندیس این بخش به یونس صفدری رسید. 

ناصر فیض، رسول یونان، غلامرضا رزمی، محمد قضایی و حمید واحدی داوران بخش شعر ترکی دومین جشنواره شعر خط سوم بودند.

این جشنواره 64 نفراز شاعران را به عنوان میهمان دعوت کرده بود که از این میان، 32 نفر یادشده به عنوان برگزیده، مبلغ دومیلیون ریال و لوح تقدیر دریافت  کردند و از 32 نفر دیگر نیز با اهدای لوح تقدیر، قدردانی گردی .

دومین جشنواره خط سوم دیروز و امروز، بیست و هشتم و بیست و نهم آذر، در تالار «جمهوری»  فرمانداری شهر تبریز برگزارشد.

گیزلیجه آغلاییش...

 

اوْ گئجه من ده آغلادیم؛

                        گیزلیجه.

ائی آنا؛

    سانما کی داشدیر اۆره ییم،

                       اوْ گئجه من ده آغلادیم.

بیر ایشیق شیریلدادی گؤزلریمین دامجیسینا.

بیر حۆزون کؤچدو منیم شنلیییمه.

چؤکدو اۆزه باخیشلاریم.

آنلادیم اوْندا بوْشون بوْشلوغونو.

اۇلدوز-اۇلدوز ایشیلدادیم؛

                          زامانه نین،

                              قاراگؤی صایفاسینا.

اوْ گئجه من ده آغلادیم،

اؤزوم ییغیشدیم اؤزومه؛

                      اوْلدوم آنا.

باغیشلا بۇ کز منی؛

              همیشه تک؛

                  روْلۇوۇ یانسیلادیم تأتریندا یاشاییشین،

                                                    دوْغدوم اۇشاق،

                                                      دوْغومون سانجیسینی حیسس ائله دیم.

وکؤرپه می؛

سئوگیمین داماریندان اَمیشدیریب،       

دۆشونجه مین حؤروکلرینده بله ییب،

نفسلرین نننیسینده،

           آهیمین لای-لاسیندا؛

                              «لای-لای دئدیم کی؛  یاتسین،

                                       قیزیل گۆللره باتسین.»

تۇمارلادیم ساچلارینی.

باخیشین دوْداق ایله اؤپدوم اۆزون.

و سرگیسینده جانیمین؛

       گؤستریب یاشاییشین فلسفه سین

                                               گؤزلرینه.

آغلایاندا؛

    دۇیغولار باغرینا باسدیم بیله سین.

خسته له ننده؛

    گؤزلریم یۇمولمادی.

اۆره یی ائدیب سیپر؛ سانجیلارا،

                      بالاجا باشماغینا؛

                         تیکدیریب یوْل یوْرودان گؤزلریمی،

                                  بالاجا آیاقلارا بیر اؤپوجوک،

و آغلادیم،

   اوْنو «بیر» ده حپ بؤیوتدوم.

اوْ گئجه من ده آغلادیم،

             چیچکله ننده آرزیلار،

                           سوْلدو گۆلوم.

اَح-اَح، اَحه-اَحه...

بسدیر اۇتان،

      کس سسیوی.

آنا اوْلماق اۆرک ایستر.

آنا اوْلماق جییَر ایستر.

آنا اوْلماق دؤزۆم ایستر.

آنا اوْلماق سئوگی ایستر.

وار می بۇنا جسارتین؟!

      یوْخ...یوْخ... اوْلانمازسان.

همین ائله؛ سن اؤزۆوه،

   اوْ قۇرو اَرککلییین سیمیشقاسین چیتلایاراق؛

                                             شیشیرت قارین.

اوْ گئجه من ده آغلادیم،

اۆره ییمده مرسییه؛

    اوْخودو نوْوحه منه دۇیغولاریم.

اۆره ییم چیرپدی اؤزۆن،

            قفسین میله سینه.

اؤز ایچیمده آغلادیم.

سنه بیر سؤز دئمه دیم،

                       دئینمه دیم!!!

چۆنکی سن...

   چۆنکی سن بیر آناسان،

       دؤزنمزسن آخ، بالاوین گؤز یاشینا.

اوْ گئجه من ده آغلادیم،

                         گیزلیجه.

شئعیر: خوْسروْو باریشان

قایناق:یاغیش ثانییه سی کیتابی

اؤلوم کیمی

اینانیلماز،آمما گئرچکسن اؤلوم کیمی.

یوخ سنین دک،تکرارسیز،تکسن اؤلوم کیمی.

آنلاشیلماز، زامانسیز بیر عئشق، قاچیلماز.

کیمی سئچسن ؛ تسلیم ائده جکسن اؤلوم کیمی.

شئعر:خسرو صلح کننده(باریشان)

بیر رومان...

بیر روماندیر هر اینسان

           اوخویونجا یاشایار.

ⅦⅦⅦ

ائحئی...

   اوخویون منی

                  ائی؛

                   سؤز داشییان آددیملار،

                  ائی؛

                   سؤز جالادان باخیشلار،

                  ائی؛

                    سؤز اؤپمه ین دوداقلار،

                                        اوخویون منی.

گور سسله،

       هر نفسله،

         دورمادان اوخویون.

شئعیر:خسرو صلح کننده«باریشان»

23/9/1383

قایناق:ارک قزئتی

ده یرسیز تابلو

بیر نفر ایچیب چاخیر،

         سئکسه چاخان عادتینی

                                داغلایاراق.               

سیقارین یانماسیندا

         سؤندوره رک شهوتینی.

□□□

دومان...

  دومان...

□□□

بیر کؤرپه یاشاییشدا دیرنمه یی

گؤزلریمده ائدیردی رسم.

□□□

سونراداکی؛

باخیشلاریم

   عدالتین سرگیسینده

                   او تابلونو

                         ساتانمادی!!!

شئعیر:خسرو صلح کننده«باریشان»

30/3/1383