بایرامینیز موبارک

بو دؤرد بایاتی سایغی ده یر اوستادیم سایین (نورالدین مقدم)دندیر. یازین گلمه سینه گؤره سیز سئویملی اوخوجولارا سونولور: 

  گؤزوندن یاز گؤیرر. 

  یاز سنسیز آز گؤیرر. 

  سن اوخوسان، من یانسام؛ 

  کولومدن ساز گؤیرر. 

  ایشیقلا گؤزومه دول. 

  آنلاملا سؤزومه دول. 

  قانیملا اوره ییمه، 

  اؤزومله اؤزومه دول. 

  اللرینده آغ الجک. 

  قار یاغیر چیچک-چیچک 

  قارلا سنله اولاجاق؛ 

  هر یان آغ، هر یان گؤیچک. 

ساچلاریندا اسینجه...

اویناییر اینجه-اینجه...

کاشکی اولا بیله یدی؛

سئوگیم گؤزللییینجه. 

-------------------------------------------------------------- 

Bu dörd bayatı sayğı dəyər ustadım sayın (Nurəddin Müqəddəm)dəndir. Yazın gəlməsinə görə siz sevimli oxuculara sunulur:

Gözündən yaz göyərər.

Yaz sənsiz az göyərər.

Sən oxusan, mən yansam;

Külümdən saz göyərər.

Işıqla gözümə dol.

Anlamla sözümə dol.

Qanımla ürəyimə,

Özümlə özümə dol.

Əllərində ağ əlcək.

Qar yağır çiçək-çiçək

Qarla sənlə olacaq;

Hər yan ağ, hər yan göyçək.

Saçlarında əsincə...

Oynayır incə-incə...

Kaşki ola biləydi;

Sevgim gözəlliyincə.

   

قولچاقلار ...

گولوشلو قولچاقلارا بنزه ییر گولوشوم!

تاقچادان یئره دوشسم ده؛

دوداقلاریمدان پوزولماییر .

گولدورسه نیز، گوله جه یم!

آغلاتسانیز، آغلایاجاغام!

حله بئینیمه ده اوچ- دؤرد سؤز ضبط ائده جه یم،

اللریمی ترپتسه نیز کئیفینیزی سوروشاجاغام!

اوخویان قولچاقلارا بنزه ییر سئوگی لرینیز!

کوره یینیزده کی آچاری بورسا هر گؤزل قادین؛

اوخویاجاقسینیز سئوگی ماحنی سینی!

قولچاق ساتان توکانا بنزه ییر بورا!

باطریلاریمیزی چیخاردیب ساتیچی،

هدر اولمایا باطریلاریمیز بوشونا .

شئعیر:فریبا نهری

شهرییار

 

بو گون بؤیوک شاعیر؛ مممد حوسئین بئهجت تبریزی (اوستاد شهرییار)ین دونیادان کؤچمه سینین ایل دؤنومودور.یازین و هونر عالمینین باشی ساغ اولسون.

حئیدربابا... ایییت امک ایتیرمز.

عؤمور گئچر،افسوس، بره بیتیرمز!

نامرد اولان؛ عؤمرو باشا یئتیرمز!

بیز ده واللاه اونوتماریق سیزلری.

گؤرنمه سک؛حالال ائدین بیزلری.

حئیدر بابا... سنین یوزون آغ اولسون.        

دؤرت-بیر یانین بولاق اولسون، باغ اولسون.

بیزدن سونرا سنین باشین ساغ اولسون.

دونیا قضوو-قه در، اؤلوم-ایتیم دیر!

دونیا بویو؛اوغولسوزدور،یئتیم دیر!

دفنه

کیمسه اؤلومو اؤینمز

    سنی گؤردوکدن سونرا

قوللوغو،
    سُاواشی،

          گؤزل گؤسترنمز.

ائلخان برک

تورکییه شاعیری